MENNTAKVIKA

Ráðstefna í menntavísindum

30. september - 1. október 2026

Menntakvika 2026

Menntakvika, árleg ráðstefna Menntavísindasviðs Háskóla Íslands, verður haldin í Sögu, nýju húsi Menntavísindasviðs, miðvikudag og fimmtudag, 30. september – 1. október 2026. Í ár er ráðstefnan haldin í 30. skiptið!

Markmið ráðstefnunnar Menntakviku er að kynna og miðla því sem efst er á baugi í menntavísindum og tengdum sviðum hverju sinni.

Menntavísindasvið býður öllum sem stunda rannsóknir í menntavísindum og tengdum fagsviðum til þátttöku á ráðstefnunni, sem og öllu starfsfólki annarra stofnana sem rannsaka eða vinna með viðeigandi málefni.  Hægt verður að fylgjast með málstofunum á zoom, málstofurnar verða ekki teknar upp.

Ráðstefnan er öllum opin og ókeypis.

Hvernig birtast menntarannsóknir í opinberri umræðu?

Þann 30. september 2026 fór fram Aðalmálstofa Menntakviku sem fjallaði um hvernig menntrannsóknir birtast í opinberri umræðu.

Freyja Hreinsdóttir, forseti Menntavísindasviðs Háskóla Íslands, flutti ávarp.
Katrín Ólafsdóttir, lektor við Menntavísindasvið: Ábyrgð fræðimanna í opinberri umræðu um menntamál.
Guðrún Hálfdánardóttir, dagskrárgerðarmaður á RÚV: Áskoranir sem fjölmiðlafólk stendur frammi fyrir þegar kemur að því að upplýsa um menntamál.
Þórdís Sigurðardóttir, forstjóri Menntamálastofnunar: Mikilvægi Matsferils – tækifæri og áskoranir.
Anna Kristín Sigurðardóttir, prófessor við Menntavísindasvið og ritstjóri skýrslunnar um niðurstöður PISA 2025: Hvernig komum við góðum hugmyndum og tillögum til úrbóta áfram?

Að auki fyrirlesara þá tóku Ómar Örn Magnússon, aðstoðarskólastjóri Hagaskóla og Helgi Grímsson, sérfræðingur hjá Mennta- og barnamálaráðuneytinu þátt í pallborðsumræðum. Fundarstjóri var Jón Torfi Jónasson prófessor emiritus.

Fjölmiðlaumfjallanir

Hátt í helmingur 15 ára barna stunda fjárhættuspil

„Þeir eru að fá allt annars konar veruleika í gegnum símann sinn“

Stúlkur tvöfalt líklegri til að skaða sig en drengir

Óánægja með Kópavogsmódelið: Foreldrar upplifa samviskubit, aukið álag og stöðuga tímapressu

BAKHJARLAR MENNTAKVIKU

Skapandi leiðir í skóla- og frístundastarfi: Mótum nýja framtíð

Ég býð ykkur öll hjartanlega velkomin á Menntakviku, stærstu menntaráðstefnu landsins, þar sem kynntar eru nýjustu rannsóknir á sviði menntavísinda og fjallað um brýn viðfangsefni á sviði náms, kennslu, farsældar, velferðar, samfélags og íþrótta og tómstunda. Ráðstefnan verður nú haldin í Sögu, nýjum glæsilegum húsakynnum Menntavísindasviðs, og markar því mikilvæg tímamót í sögu Háskólans.

Markmið Menntakviku hefur frá upphafi verið að skapa vettvang fyrir fræða-og fagfólk í skóla- og frístundastarfi til að miðla þekkingu, hugmyndum og starfsháttum sem skila árangri. Á undanförnum árum hafa orðið miklar samfélagslegar breytingar og tækniþróun sem umbreyta um þessar mundir umgjörð náms og kennslu. Segja má að við stöndum á tímamótum og þurfum að spyrja okkur grundvallarspurninga um hvaða hæfni og þekkingu skipti mestu máli að leggja grunn að. Víða um heim er kallað eftir auknum áherslum á verklega og skapandi starfshætti þar sem leitast er við að tengja saman hug og hönd, efla sjálfstæða og skapandi hugsun, hlúa að samskiptahæfni og samkennd, og síðast en ekki síst, gera öllum kleift að njóta sín og vera virkir þátttakendur í samfélaginu.

Eitt af lykilmarkmiðum flutnings Menntavísindasviðs í Sögu er að stórbæta náms-og kennsluaðstöðu og efla fjölbreytni í námsumhverfi háskólanema. Það er mikill áfangi að taka í notkun þessi glæsilegu kennslurými og má sérstaklega nefna sértæk námsrými fyrir listgreinar, meðal annars leiklistarstofu, myndlistarstofu, textílrými, smíðastofu og tónlistarstofu. Þá verður hreyfirannsóknastofa fyrir íþrótta- og heilsufræði sem er mikið framfaraskref, sérhönnuð rými fyrir kennslu náttúruvísinda og stærðfræði og sérútbúnar leikstofur fyrir kennslu í menntunarfræðum yngri barna. Nú er það okkar að skrifa nýja sögu og móta kennara og fagfólk framtíðarinnar sem kunna að valdefla og mennta ungu kynslóðina, já og okkur öll.

Opnunarmálstofa Menntakviku fimmtudaginn 2. október setur mikilvægt viðfangsefni í kastljósið, og ber heitið Kennaramenntun í deiglunni. Þar verður tekist á við eftirfarandi spurningar:

Er sameiginleg sýn á kennaramenntun hér á landi? Hver er uppskriftin að góðum kennara? Hvernig gengur háskólum sem mennta kennara að brúa bil fræða og fags, að undirbúa nýja kennara undir öll þau fjölbreyttu verkefni sem bíða þeirra í starfi?

Föstudaginn 3. október verða flutt 235 erindi í 57 málstofum og því er úr nægu að velja. Þá verður einnig hægt að fylgjast með málstofum í beinu streymi á ZOOM. Ég vek sérstaka athygli á því að á laugardeginum 4. október verður boðið upp á um 30 vinnusmiðjur og kynningar kl. 13-15 í Sögu þar sem gefst dýrmætt tækifæri til samvinnu fræða og fagvettvangs. Ráðstefnan er öllum opin og ókeypis. Verið velkomin á Menntakviku 2025!

Kolbrún Þ. Pálsdóttir

Forseti Menntavísindasviðs